::::شباب محله دمنه ::::

السلام عليكم.. احبتي منتدانا مفتوحاً للجميع لذلك فلا تبخلوا علينا بزيارتكم والتصفح ولو بالقراءة والدعاء

من لا يريد التسجيل فنحن لا نجبر احد على التسجيل وفتحنا جميع الاقسام للزوار ونسأل الله تعالى ان يوفقنا

واياكم لنشر الخير فى موقعنا وجميع المواقع بشكل عام

دمتم بحفظ الله ورعايته

إدارة الموقع

انضم إلى المنتدى ، فالأمر سريع وسهل

::::شباب محله دمنه ::::

السلام عليكم.. احبتي منتدانا مفتوحاً للجميع لذلك فلا تبخلوا علينا بزيارتكم والتصفح ولو بالقراءة والدعاء

من لا يريد التسجيل فنحن لا نجبر احد على التسجيل وفتحنا جميع الاقسام للزوار ونسأل الله تعالى ان يوفقنا

واياكم لنشر الخير فى موقعنا وجميع المواقع بشكل عام

دمتم بحفظ الله ورعايته

إدارة الموقع

::::شباب محله دمنه ::::

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

::::: نحن متميزون مش كلام والسلام ::::::

 

اشباب سيتم ان شاء الله بدا الدورة من يوم الجمعه القادمهة

    نصائح للعناية بالشعر لكل فتاه

    عاشقة الرومانسية
    عاشقة الرومانسية
    ::::مش راحم نفسة ::::


    نصائح للعناية بالشعر لكل فتاه 28nvrt




    عدد المساهمات : 84
    نقاط : 156
    تاريخ التسجيل : 12/05/2010
    العمر : 29
    الموقع : فى قلب حبيبى

    هيييية نصائح للعناية بالشعر لكل فتاه

    مُساهمة من طرف عاشقة الرومانسية الخميس يوليو 15, 2010 11:10 am

    العنايه بالشعر محتاجه خطوات كثيره أرجوا الاستفاده من الموضوع



    مع
    الصيف والحر والعرق الشعر بيتعرض لمشاكل كتير قوي زي مثلا الجفاف والتقصف
    وفقدان اللمعان والتساقط والهيشان وغيرها من المشاكل اللي بيتعرض ليها
    الشعر...



    علشان كده بتلاقي إن شعرك في الصيف تحديدا محتاج إلى عناية مزدوجة أكتر من أي وقت تاني..


    طبعا
    هتسألي نفسك وتقولي يعني إيه عناية مزدوجة..؟ ما أنا باغسله كويس وباسرّحه
    وخلاص! وهو في اهتمام وعناية أكتر من كده.. ولا هو كتر كلام وخلاص...؟



    الموضوع مش كتر كلام وخلاص لأن الشعر فعلا في الصيف محتاج إلى عناية من نوع خاص...


    و هاقول لك دلوقت على شوية نصائح للعناية بالشعر في الصيف


    النصيحة الأولى غسيل الشعر

    [ندعوك للتسجيل في المنتدى أو التعريف بنفسك لمعاينة هذا الرابط]
    شوفي يا ستي ياريت إن عدد مرات غسيل شعرك في الصيف ما تزيدش عن مرتين،
    طبعا أنت دلوقتي هتقولي ازاي.. ده أنا كل شوية بادخل الحمام وآخد دش...



    هاقول
    لك مفيش مشكلة إنك تاخدي دش بس ياريت إنك تحطي بونيه على شعرك؛ وده لأن
    كتر غسيل الشعر على الفاضي والمليان بيخلي الشعر يفقد لمعانه وحيويته،
    وكمان ممكن إنه يتعرض للتقصف.



    وخدي
    بالك كمان من الميه اللي بتغسلي بيها شعرك إنها ماتكونش ميّه سخنة قووي،
    أو ميّه بادرة قوووي، يعني من الآخر اغسليه بميّه فاترة، وده علشان تحافظي
    على لمعانه.



    النصيحة التانية
    استخدمي الشامبو والبلسم المناسبين لنوع شعرك


    ودي حاجة مهمة قوووي لازم تاخدي بالك منها وهي إنك تستخدمي الشامبو والبلسم المناسبين لنوع شعرك...

    [ندعوك للتسجيل في المنتدى أو التعريف بنفسك لمعاينة هذا الرابط]


    يعني مثلا لو كان شعرك دهني يبقى استخدمي الشامبو اللي بيكون مكتوب عليه خاص للشعر الدهني.


    وياريت
    إنك تخففي الشامبو بشوية ميّه قبل ما تحطيه على شعرك واوعي تنسي تشطفي
    شعرك كويس وتخلصيه تمامًا من أي آثار للشامبو أو البلسم.



    النصيحة التالتة
    استخدمي الزيوت المغذية لشعرك



    لو
    عايزة تحافظي على لمعان وحيوية شعرك في الصيف يبقى ياريت تستعملي الزيوت
    الطبيعية المغذية للشعر زي "زيت جوز الهند وزيت الزيتون" وده لأن الزيوت
    دي بتساعد على الحفاظ على الشعر، خاصة لو كان الشعر ده جاف.



    وكمان ياريت إنك تعملي حمام زيت لشعرك وليكن حتى مرة في الأسبوع لأن ده بيعوض الشعر عن الدهون اللي بيفقدها نتيجة العرق...


    ودي طريقة عمل حمام الزيت

    [ندعوك للتسجيل في المنتدى أو التعريف بنفسك لمعاينة هذا الرابط]


    * قسمي شعرك لأربعة أجزاء.
    * حطي الزيت على فروة رأسك ولغاية أطراف شعرك، خلي كل قسم لوحـده حتى نهاية الرأس.
    * اعملي مساج خفيف لفروة الرأس علشان تتأكدي من وصول الزيت لجميع أجزاء أم الشعر
    * غطي شعرك ببونيه الشعر لمدة عشرين دقيقة.
    * اغسلي شعرك بالمية الفاترة وبعد كده بشامبو وبلسم مناسب لنوع شعرك.



    النصيحة الرابعة
    ابعدي عن الصبغة ومجفف الشعر



    [ندعوك للتسجيل في المنتدى أو التعريف بنفسك لمعاينة هذا الرابط]
    ايه رأيك لما تخلي الصيف فرصة إن شعرك يكون طبيعي وتستغني فيه عن مجفف
    الشعر والصبغات نهائيا في فصل الصيف، ود لأنها مضرة جدا جدا على الشعر،
    وكمان مش هتقعد كتير في شعرك نتيجة زيادة كمية العرق.



    النصحية الخامسة
    ابعدي شعرك عن المية المالحة


    [ندعوك للتسجيل في المنتدى أو التعريف بنفسك لمعاينة هذا الرابط]
    ياريت إنك تلبسي بونيه للشعر وأنتِ نازلة البحر، وده علشان تبعدي شعرك عن الميّه المالحة اللي بتضر الشعر .



    النصحية السادسة
    هوّي شعرك
    [ندعوك للتسجيل في المنتدى أو التعريف بنفسك لمعاينة هذا الرابط]
    ياريت إنك تهوّي شعرك باستمرار وأنتِ في البيت وبلاش موضوع إنك تعمليه
    "كحكة" باستمرار، يعني افرديه شوية اعمليه ضفيرة شوية، اعمليه ديل حصان
    شوية، يعني من الآخر دلّعيه وبلاش تحبسيه.



    كمان لو كنتِ محجبة بلاش إنك تلبسي الحجاب وشعرك مبلول، استني لما ينشف وبعد كده البسي الحجاب.


    النصيحة السابعة
    اعملي مساج لجلدة الراس



    [ندعوك للتسجيل في المنتدى أو التعريف بنفسك لمعاينة هذا الرابط]
    وأنتِ قاعدة في البيت ياريت إنك تعملي مساج لجلد رأسك عن طريق استخدام أطراف صوابعك في عمل تدليك لفروة الرأس....



    وعلى
    فكرة الموضوع ده بيحافظ على سلامة جلدة الرأس لأنه بيزيد من تدفق الدم عبر
    الأنسجة مما يؤدي إلى وصول كمية أكبر من الغذاء والأكسجين إلى الشعر، كما
    يساعد على التخفيض من حدة التوتر في جلدة الرأس اللي بتسبب تساقط الشعر.



    النصيحة الثامنة
    اهتمي بنوعية غذائك


    [ندعوك للتسجيل في المنتدى أو التعريف بنفسك لمعاينة هذا الرابط]
    في بنات كتير بتفتكر إن الشعر بيتغذى من الخارج بالشامبوهات والكريمات
    والزيوت وده طبعا مش صحيح لأن الشعر بيستمد غذاءه من الجسم نفسه....



    علشان كده ياريت إنك تكتري من أكل الخضروات الطازجة والفاكهة الطازجة وابعدي عن التيك أواى والمعلبات لأنها مش بتفيد.


    بس كده..
    دي كانت شوية نصائح..
    هي صحيح بسيطة بس مفيدة جدا جدا جدا



    وتعالي نشوف مع بعض دلوقت مجموعة
    من الوصفات الطبيعية المفيدة للشعر..



    وصفة لعلاج تساقط الشعر


    المكونات:

    • بيضة.
    • ملعقة كبيرة عسل.
    • خلطة زيوت عبارة عن: "زيت الزيتون وزيت جوز الهند وزيت الصبار".
    • ريحان مجفف.
    • ملعقة كبيرة مايونيز "دي في حالة لو كان شعرك جاف".



    الطريقة :
    اخلطي كل المكونات دي مع بعضها البعض وحطّيها على شعرك لمدة ساعتين، كرري الوصفة دي مرتين في الأسبوع وهتشوفي الفرق بنفسك....



    وصفة لتلميع وتنعيم الشعر

    [ندعوك للتسجيل في المنتدى أو التعريف بنفسك لمعاينة هذا الرابط]

    المكونات:

    • ملعقة عسل.
    • علبة زبادي.
    • ملعقة مايونيز "موجود في السوبر ماركت".



    الطريقة:

    اخلطي
    المكونات دي كلها مع بعضها وحطيها على شعرك لمدة ساعة وبعد كده اغسلي شعرك
    بالشامبو والبلسم، كرري الوصفة دي مرتين في الأسبوع.



    وصفة لزيادة كثافة الشعر

    [ندعوك للتسجيل في المنتدى أو التعريف بنفسك لمعاينة هذا الرابط]
    المكونات :


    • صفار بيضة.
    • 3ملاعق زيت الخروع.



    الطريقة :

    اخلطي
    المكونات دي كلها مع بعضها وحطيها على شعرك وحطي عليها فوطة مبلولة بماء
    دافئ لمدة ساعتين، كرري الوصفة دي مرة كل أسبوع وهتشوفي الفرق بنفسك.



    وصفة لتقوية الشعر
    [ندعوك للتسجيل في المنتدى أو التعريف بنفسك لمعاينة هذا الرابط]
    لو كنتِ حاسّة إن شعرك ضعيف ومحتاج تقوية يبقى جرّبي الوصفة دي.



    المكونات :

    • ملعقة مايونيز.
    • ملعقة عسل. ملعقة زبادي.
    • ملعقة زيت زيتون.
    • صفار بيضة.



    الطريقة:

    اخلطي
    كل المكونات اللي فاتت مع بعضها وحطيها على شعرك لمدة ساعتين على الأقل،
    بعد كده اغسلي شعرك بالميّه الفاترة.. كرري الموضوع ده مرتين في الأسبوع.



    وصفة لعلاج جفاف الشعر


    مشكلة جفاف الشعر دي مشكلة بتعاني منها بنات كتير قوووي علشان كده جبت الوصفة دي اللي هتساعدهم على علاج المشكلة دي نهائيا.


    المكونات :

    • بيضتان.
    • بونيه.



    الطريقة:

    اخفقي البيضتين وبللي جذور شعرك بالبيض بواسطة قطنة أو فرشاةوبعد كده وزّعي البيض على باقي شعرك.


    بعد كده دلِّكي شعرك بعمل مساج لكامل فروة الرأس. ثم ارفعي شعرك كله إلى أعلى الرأس وغطي شعرك ببونيه لمدة ساعة.


    بعد
    الساعة فكّي البونيه وسيبي شعرك لغاية ما ينشف، بعد كده اغسليه بالشامبو
    والبلسم المناسبين لنوع شعرك، كرري الوصفة دي مرة كل أسبوع.



    وصفة للشعر المتقصف


    [ندعوك للتسجيل في المنتدى أو التعريف بنفسك لمعاينة هذا الرابط]
    لو كانت أطراف شعرك مقصفة يبقى ياريت إنك تقصي الأطراف المقصفة دي وبعد كده تعملي الوصفة البسيطة دي.



    المكونات:

    • بيضتان.
    • ملعقتان من زيت الجرجير.
    • بونيه.



    الطريقة :

    اخفقي
    البيضتين وضيفي إليهما ملعقتين من زيت الجرجير وقلبيهم مع بعض كويس، بعد
    كده بللي جذور شعرك بالخليط، ودلكي شعرك بباقي الخليط، اعملي المساج لشعرك
    لمدة 5 دقائق بعد كده ارفعي شعرك كله إلى أعلى الرأس وغطي شعرك ببونيه
    لمدة ساعة.



    بعد
    الساعة فكي البونيه وسيبي شعرك لغاية ما ينشف بعد كده اغسليه بالشامبو
    والبلسم المناسبين لنوع شعرك، كرري الوصفة دي مرة كل أسبوع.



    وصفة لإعادة إنبات الشعر


    والوصفة دي مخصوص لكل البنات اللي بتعاني من مشكلة عدم إنبات الشعر من الأمام ومكوناتها بسيطة جدا.


    المكونات:

    • حزمة جرجير.
    • نصف كوب ميه.



    الطريقة:

    خذي
    حزمة الجرجير وضعيها في الخلاط مع كوب ماء, ثم ضعي عصير الجرجير على رأسك
    واحرصي على أن يلامس فروة رأسك لأن تأثيره يكون في إنبات الشعر وتقوية
    البصيلات الضعيفة.



    كرري هذه العملية مرتين في الأسبوع لمدة شهر وهتلاقي نتيجة هايلة جدا.


    وصفة للتخلص من قشر الشعر


    دي بقى أحسن وصفة للتخلص النهائي من قشر الشعر


    المكونات:

    • كوباية كبيرة خل تفاح "موجود في السوبر ماركت".


    الطريقة:

    كل
    اللي عليكِ إنك تجيبي كوباية خل التفاح ودفّيها عن طريق إنك تضعي الكوباية
    دي في ميّه سخنة، وبعد كده تشطفي شعرك بيها واتركيه لمدة ساعة على شعرك،
    وبعد كده اشطفي شعرك بالماء الدافئ، كرري العملية دي مرة كل أسبوع.



    وصفة لتطويل الشعر

    [ندعوك للتسجيل في المنتدى أو التعريف بنفسك لمعاينة هذا الرابط]
    واللي بتشتكي من إن شعرها مش بيطول تعمل الوصفة دي..



    المكونات:
    • علبة زبادي.
    • ملعقة حبة البركة مطحونة -ودي هتلاقيها عند العطار- .
    • ملعقة زيت زيتون.



    الطريقة:
    اخلطي المكونات دي كلها مع بعضها وبعد كده حطيهم على شعرك لمدة ثلاث أو
    أربع ساعات، وغطي شعرك ببونيه... بعد مرور 3 ساعات اغسلي شعرك بالشامبو
    والبلسم المناسبين، كررري الموضوع ده مرتين في الأسبوع لمدة شهر وإن شاء
    الله هتلاقي نتيجة هايلة.



    وصفة لتغذية الشعر


    دي كمان وصفة لتغذية الشعر


    المكونات:
    • نصف فنجان زيت ذرة.
    • نصف فنجان زيت جوز الهند.
    • نصف فنجان بلسم.
    • عصير نصف ليمونة.
    • ملعقة كبيرة عسل نحل.
    • ملعقة كبيرة زبادي.
    • ملعقة كبيرة خل.



    الطريقة:

    اخلطي
    كل المكونات دي مع بعضها وحطي الخليط ده على شعرك، مع عمل تدليك لفروة
    الرأس وده لأنه مفيد جدا للشعر، فهو يساعد على النمو السريع والصحي وينشط
    الدورة الدموية ويسهل وصول الأكسجين إلى الشعر.



    بعد
    كده غطي شعرك ببونيه لمدة 4ساعات أو أكثر ثم اغسلي شعرك بالماء الفاتر،
    كرري الموضوع ده مرة كل أسبوع وإن شاء الله تلاقي نتيجة هايلة.



    وصفة للتخلص من تموجات الشعر


    المكونات:

    • صفار بيضة واحدة.
    • نصف ملعقة زيت زيتون.
    • كوب إلا ربع من الماء الفاتر.



    الطريقة:

    خذي
    صفار البيضة وضيفي إليه نصف ملعقة زيت الزيتون بالقطارة تدريجيا مع
    التقليب المستمر، وبعد كده ضيفي الميّه تدريجيا، واستمري في الخفق، وبعدين
    حطي الخليط ده في زجاجة، وبعد غسل شعرك بالشامبو دلّكي شعرك بالملطف ده
    وسيبيه على شعرك شوية لمدة ربع ساعة بعد كده اشطفي شعرك.

      الوقت/التاريخ الآن هو الخميس مارس 28, 2024 3:13 pm